森‧子‧的‧世‧界

薩克斯風：噗噗噗~~噗噗噗噗噗~~噗噗噗~~噗噗噗噗噗~~

「難定紛紛甲子年，千魔蕩蕩白陽天，

蒼天旨意著書命，諸子虔誠扶道顛；

佛燈點亮華光現，一線生機救末年。」

逐擺若講著慈郎照世明燈，我就會想著伊彼首主題曲，這是看布袋戲大漢的人，一世人攏袂放袂記的!

想袂到，經過遮爾濟年矣，我閣有機會看著伊，實在是真懷念。

慈郎佇霹靂俠影系列重出，是為著伊打造的神器──銀驃玄解，

銀驃玄解這个物件，講實在話，就是一雙義肢，慈郎就是出來共義肢拔落來，閣接轉去，

順紲加入南北道爭，後來閣捲入去黑海森獄的紛爭，予人掠去做人質。

因為我看霹靂的進度已經予金光延真久矣，所以毋知影慈郎這馬進展到佗位矣，

毋過我發現「照世」佇新注音會自動變成「肇事」，看起來，照世明燈出現，真正是「紛紛甲子年」!!

這隻尪仔是佇2014年的中秋節推出的，毋過到2015年元旦才收著，算是新年禮物啦，

因為是中秋節的預購，所以有應景的柚仔佮月餅。

照世明燈的鼓仔燈做甲真古錐，

招牌的頭毛嘛做了真幼路，雖然按呢頭殼看起來有淡薄仔硞，毋過風飛咧飛咧，真有少女的感覺。

後面嘛做了真媠~~

頭鬃閣有挑染。

期待下一次的雙秀^^